0 Ubabe!! MWENYEKITI HUYU WA CCM MKOA WA GEITA ATISHIA WAANDISHI WA HABARI,AMFOKEA MMOJA BAADA YA MWINGINE,

Mwenyekiti wa Chama Cha Mapinduzi  Mkoa wa Geita Joseph Msukuma 

Na mwandishi maalum kutoka Geita

Siku chache tu baada ya vyombo vya habari kuandika habari kuhusu mwenyekiti wa Chama Cha Mapinduzi  Mkoa wa Geita Joseph Msukuma kuhamasisha wananchi kurudi na kuvamia eneo la mwekezaji  Majaliwa Maziku mwenye leseni lililoko katika kijiji cha Nyantorotoro wilayani Geita mkoani humo,sasa mwenyekiti huyo ameibuka na kuanza kuwatishia waandishi wa habari walioripoti habari hizo.

Akiongea na waandishi wa habari  kwa kuwapigia simu mmoja baada ya mwingine huku akifoka amesema kuwa waandishi wote walioripoti habari hizo atahakikisha anawaburuza mahakamani ili washike adabu kwani yeye anawatetea wananchi wake.

Msukuma  alisema kuwa waandishi hao wamekuwa wakitumiwa na mkuu wa ilawya ya Geita Omary Mangochie   kwa kuandika mambo ambayo yanamchafua.

"Nyinyi mnatumiwa na mkuu wa wilaya kwa kunichafua nitawaburuza mahakamani nione kama huyo DC atakuja kuwatoa kwani ndiye anayewatuma kuniandika",alisema Msukuma.

Hivi  karibuni Msukuma aliwahamasisha wananchi wasiokuwa na leseni kwenda kuvamia eneo la mwekezaji na kuanza kufanya fujo kwa wafanyakazi wa muwekezaji huyo ambapo walitimkia kusik julikana na jeshi la polisi Wilaya ya Geita likingilia kati sakata hilo.

Habari kutoka Geita zinasema mwenyekiti huyo wa CCM mkoa wa Geita amekuwa na mambo ya kuwapinga viongozi wenzake kwa kuwakataza wananchi kufanya mambo ya kuwaletea maendeao na kutumia mabavu kwa tiketi ya chama tawala